Ass sjèdara mandum,
meuseubab na keusalahan bak video njang tekirém padum2 uroë njang ka ulikôt seuhingga sjèdara2 geutanjoë di nanggroë kon bak warnet mantong, meutapi njang di kantô2pih di atjèh handeuh geudeungo su. mungkén, kareuna internetdjih njangthat-that meulèk. uléh seubabnjan, kakeuh teupaksa teubatja keulai mandua pidato nimijuëb njoë.
meunan mantong, mudah2an na manfaat @ tolong disebar luaskan..
saleuëm
Pidato Dr. Husaini Hasan bak uroë ulang-thôn Atjèh Meurdéhka njang keu 35thôn di Sweden
http://www.youtube.com/watch?v=_LZusYhUulk&feature=related
http://www.youtube.com/watch?v=_LZusYhUulk&feature=related
Pidato Tgk Yusda bak uroë ulang-thôn Atjèh Meurdéhka njang keu 35thôn di Sweden
¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤
Amanat Peu-ingat Milad AM njang keu-35 di Örebro, 4 des 1976 – 4 des 2011
Hadhirin dan bandum djama'ah njang meusapat disinoë uroënjoë njang ulôntuan peumulia: Bansa Atjèh di nanggroë dan pat mantong njang that meuthjén. Njang that tagaséh gaséh aneuk-aneuk geutanjoë bandum, aneuk muda Atjèh njang akan sambông perdjuangan njoë ukeuë.
Assalamu'alaikum warahmatullahi wabarakatuh.
Uroë njoë geutanjoë tamuerumpok disinoë, di Örebro, tadjak peu-ingat uroë lahé Atjèh Meurdéhka njang keu-35. Na mantong njang gohlom muphôm, pakon tiëp2 thôn pajah tapeu-ingat uroë peuët desember njoë? Tapeu-ingat supaja mangat teu-ingat, supaja geutanjoë bèk tuwo teuh keu rakan2 seutia dan peudjuang2 njang ka awai neudjak, sjahid bak neupeutheun bandera njoë. Disampéng nibaknjan, tapeu-ingat droë-keudroë tjit pakon geutanjoë na disinoë uroë njoë. Njang leubèh peunténg lom nakeuh tapeu-ingat geunerasi muda, leubèh2 aneuk2 geutanjoë njang lahé dan rajek diluwa nanggroë, lagèë di Sweden, Norway, Denmark dls. Meunjo geutanjoë njang peugot seudjarah, njang teulibat langsông seudjak awai peurdjuangan hana tapeugot atra njoë, pakriban djeuët ta harap aneuk2 geutanjoë akan djipeu-ingat buët geutanjoë njoë? Njoë saboh peukara njang meusangkôt deungon identitet droë sibagoë saboh bansa, njang handjeuët han tapakoë, meunjo geutanjoë hana takeuneuk kalon aneuk tutjo geutanjoë hudép lagèë geutanjoë uroë njoë – meuseuët-seuët ban saboh njan.
Rakan2 seutia geutanjoë bandum, khusus djih njang na diluwa, njang ka puléh trauma dan ka djiwoë seumangat keulai, kadjeuët mulai tjok langkah phôn deungon tapeu-ék keulai bandera pusaka njan, sibagoë isjarah bahwa peurdjuangan njoë gohlom seuleusoë. Meunjo geutanjoë baroëkon ka salah langkah, sisat, djinoë pajah ta gisa ulikôt lom ta tjok langkah barô. Meunjo ka silap pajah tapeubutôi keulai. Langkah phôn peunténg that! Meunjo ka na ureuëng peuphôn tjit ka ramè ureuëng seutot, Insja Allah. Sidroë ahli falsafah Tjina, Lao Tsu, njang hudép nam abad seugohlom lahé nabi Isa, na geukheun: "The journey of a thousand miles begins with a single step", maknadjih saboh peurdjalanan njang djuôh djih siribèë mil, geumulai deungon saboh langkah.
Perkembangan Diluwa
Seugohlom ta tamong dalam peukara droë-teuh, peukara Atjèh, ulôntuan keuneuk tjukèh batjut perkembangan njang teungoh teudjadi lam dônja ban-ban njoe, mungkén na njang djeuët tatjok keu peuladjaran keu geutanjoë keudroë..
Seulaén krisis ekonomi di Amerika dan padum2 boh nanggroë di Eropa Barat, peuristiwa njang njang paleng rajek njang teungoh teudjadi ban sipanjang thôn njoë, 2011, nakeuh revolusi2 di Timu Teungoh dan Afrika rot Barôh, lagèë di Tunisia, Meuser, Libya, Syria dll. lom njang teungoh dan akan teudjadi ladju. Ahli2 politek dan strategi dalam dônya teukeudjet that, sabab hana djisangka-sangka bahwa bak thon 2011 bansa2 Arab akan geubeudoh geulawan peumeurintah2 diktator njang ka meuplôh-plôh thôn meukuasa disinan.
Peunguasa2 dhalém lagèë Husni Mubarak njang dumnan kong, sidroë peumimpin Arab njang paléng toë deungon Amerika, dan djithèë sibagoë fir'un bak abad keu-21 njoë, keumah geupeutren uléh rakjat deungon hana soë sangka-sangka. Peuë taktik, strategi atawa seundjata njang awaknjan ngui seuhingga revolusi di Tunisia dan Meusér meuhasé? Seundjata djih njankeuh rakjat nanggroë. Rakjat nanggroë2njan ka geutjok saboh sikap geulawan, pantang surôt dan ka geuteurimong peuë mantong resiko. Njankeuh guntji keubeurhasélan awaknjan.
Bansa Arab djinoë teungoh peuglah droë nibak ranté kedhaléman: na njang ka meuhasé dan nat tjit njang gohlom. Disinoë deuh ta kalon bahwa keukuatan rakjat keumah peutalô bandum sindjata moderen, lagèë muto tang atawa kapai teumpôr. Teutapi atra njoë bandum han teudjadi meunjo taduëk-duëk mantong, hana tapeugot sapeuë. Lagèë ka neupeu-ingat uléh Po Teuh: Allah hana neu-ubah nasib saboh2 kawom, meunjo kawôm njan keudroë djih hana dji ubah."Innallaaha laa jughaiijiru maa biqaumin hatta jughajjiru maa bianfusihim." Arra'du 11.Revolusi Arab njoë nakeuh saboh hai njang hana soë duga2, tapi ka teudjadi dalam siklép-siklap.
Dalam politék, hana sapeuë njang hana mungkén! Saboh peutuah ureuëng Indian, bansa aseuli Amerika lagèënjoë: "Djalan, tjara atawa rot-uëh njan hana, tapi watèë ka ramè ureuëng djak keunan, beukaih tapak gaki njan kadjeuët keu djalan atawa rot-uëh. Deungon narit laén, meunjo geutanjoë ka meusaboh, sapeuë kheun dan ka saboh arah, hana sapeuë njang hana mungkén. Tapi saboh2 peurdjuangan han meu-asé bahthat rakjat ka meusaboh, meunjo njang djak dikeuë atawa peumimpin hana butôi. Meunjo njang djak dikeuë gadôh peutimang neuduëk – kon seumiké kiban tjara tapeudjak buët. Peumimpin pajah meusaboh tjit, meuhan rakjat akan djipluëng saboh saho!
Hadhirin njang ulôntua peumulia
Masalah njang teungoh ta hadapi di Atjeh uroë njoë tjukôp komplex – ka meutjat-tjuet ban sabohnjan. Meunjo peunjakét, djeuët takheun ka komplikasi – kon sipeuë lé sakét. Puntja djih bandum, njan keuh peundjadjahan RI ateuëh Atjèh – njankeuh ukheuë nibak bandum peukara njang na di nanggroë. Kareuna ka tréb that djidjadjah lé gob, maka peuë njang na di Atjèh uroënjoë bandum atra gob: peurangui, mentalitet atawa tjara seumiké dan trôk bak Islam ka atra gob, atra dji import dari Batavia. Buktidjih, matjam2 djeunèh Islam djinoë ka lahé di Atjèh.
Beutôi that peuë njang Wali peugah bak saboh uroë, bahwa Atjeh njan kadjipeugot lé Indonesiakeu "dumping ground" - keu teumpat boih brôh. Ubéna brôh rajek bandum djisumpom u Atjèh. Njang got-got bandum djipuwoe u Djawa, lagèë meuh, minjeuk, gaih dls. Djadi peuë njang Teungku Atjèh teungoh geumeurupah-rupah djinoë, njan keuh brôh dari Djakarta. Ka teuntèë dalam kawan brôh njan natjit barang2 njang got, njang djeuët tangui, tapi njan teutap brôih. Falsafah hudép geutanjoë Atjèh djinoë kon lé "Amar Ma'ruf Nahi Munkar", teutapi KKN – Korupsi, Kolusi dan Nepotisme, njang kadjeuët keu darah-gapah peudjabat2 di Atjèh. Mulai tingkat ateuëh sampé tingkat njang paléng mijub, rajek mat rajek 'ab. Korupsi, rôh disinan matjam2 djeunèh tjeumeutjuë dan semeungeut. Kolusi, meumakna piké dan peumakmu keulompok atawa peureuté droë mantong. Nepotisme meumakna pemadju kepenténgan famili dan peukaja keurabeuëk droë. Lheuëh na Hasbi Abdullah keutuha DPRA, beuna Zaini Abdullah lom keu gubernur. Njan njang geukheun nepotisme.
Bak masa konflik dilèë, surat2 haba dônja kajém geutuléh bahwa prang di Atjèh njan nakeuh "dirty war", njakni "prang kuto". Pakon geupeunan prang kuto? Sabab, peukateuën Indonesia di Atjèh bak masa njan biadab that, diluwa nilai2 keumanusiaan. Ureuëng Atjèh ka dji dehumanisasi, hana djianggap lé sibagoë manusia. Djiboh nan GPK, Separatis, subversif dan laén2 lom supaja mangat djeuët djipeuhaleuë darah dan djipeulaku peuë njang galak djih. Peuë njang teudjadi bak masanjan saboh tragedi, njang handjeuët tuwo teuh sagai dan handjeuët tapeumeu'ah.
Bansa2 gob dalam dônja geupeu-ingat uroë seudéh geuh. Djeupang na Hiroshima-Nagasaki 1945; Palestina na Sabra-Shatila 1982; Ureuëng Islam Bosnia na Srebrenica thôn 1995. Vietnamna My Lai di Son My 1968. Dan ban-ban njoë ka tadeungo lom pembantaian di Rawa Gedé Djawa Barat, thôn 1947. Peukara njan ka geupeutupat di nanggroë Beulanda dan meuhasé.
Padjan Teungku2 SH Atjèh geudjak peutupat ngon dônja peukara2 pembataian di Kuta Reh thôn 1904; Pulot Tjot Jeumpa 1955; Beutong Ateuëh; Simpang KKA; Ara Kundoë 1999 dan le laén2 lom? Ho ka peukara njan bandum lheuëh nam thôn geutèkèn MoU di Helsinki? Toh qanun KKR untôk peuseulusoë peukara peulanggaran HAM bak masa konflik, lagèë ka meuseubôt dalm MoU? Hana soë pakoë lé djinoë, sabab awak DPRA teungoh gabuëk that bak piléh brôh!
Lheuëh tèkèn perdjandjian Helsinki thôn 2005, hana lé "dirty war" di Atjèh. Djinoë ka meugantoë deungon "dirty politics" - politék kuto ngon ku-'èh. Ban sipanjang thôn 2011, surat2 haba di Atjeh, tiëp uroë Tuhan punoh deungon beurita "KARU SABÉ". Mulai peukara Qanun Wali Nanggroë, tjalon gubernur dari Parté Atjèh sampé keu peukara PILKADA untôk piléh Gubernur, bupati dan walikota njang mantong meupuwai-puwai sampé 'an uroënjoë. Gadôh meudawa peukara keu saboh pasai dalam UUPA ( pasai 256 UU Nomor 11 Tahun 2006) njang ka djiubah lé Mahkamah Konstitusi, deungon tudjuan supaja kon rot parté mantong djeuët geutjalon droë, teutapi djeuët tjit geu-ék rot keundran independen, meunjo séb sjarat..
Uléh Parté Atjèh (PA) ka geupeugot isu njan keu peukara njang paléng peunténg. Meunurôt PA, njan peukara marwah dan martabat Atjèh; njan peukara identitet Atjèh dan kadjeuët keu harga maté keu awaknjan. Habéh pèng meu miljar2 peugot rapat bak hotel2 mewah, ula-ili djak-woë u Djakarta – kon sidroë-dua - tapi meurombongan-rombongan. Dan keuneulheuëh djak krah ureuëng gampông njang hana teupeuë-sapeuë djak demo.Tok peukara meureubôt pangkat dan kuasa. Hana sapeuë njang meu-untông keu rakjat. Djadi, njan njang kadjeuët keu harga maté awak PA djinoë. Meunjo bit djadèh maté bak tapeutheun pasainjan, keubit djadèh geusumpom dalam apui nuraka bandum. Pakon peukara peulanggaran HAM bak masa konflik dan peukara weuëk hasé alam njang trang2 djipeungeut lé Djakarta hana djidjak protèh? Peuë sabab njan meu-untông keu rakjat mantong, dan hana meu-untông keu awaknjan? Wallahu'alam!
Peureulèë kamoë peutrang tjit bahwa geutanjoë Atjèh Meurdéhka, khusus djih njang diluwa nanggroë, hana kepentingan sapeuë pih, soë njang akan djeuët keu gubernur, bupati atawa walikota ukeuë njoë. Awaknjan bandum sarông djaroë peundjadjah di Atjèh. Teutapi keu bansa kamoë di nanggroë akan na akibat meunjo salah piléh. Njan keuh sabab, sigohlom piléh peumimpin ukeuë, paréksa beugot. Bèk rôh sagai2 meupiléh peureuté labon Teungku Khatib njang teungoh batja khutbah! Atawa neudjak piléh keu wali nanggroë Tjina2 Akek dari Pulo Batam, njang barô padum uroë tinggai di Atjèh ka peugah droë keuturônan wali Songo, dan juë bôh droë keu "radja Atjèh" – Na'uzubillahi min zaalik.
Keudhaléman wadjéb lawan, deungon keukuatan peuë mantong njang na bak geutanjoë. Got pih djipeulaku uléh peundjadjah RI atawa buët ureuëng Atjèh keudroë njang ka ngui tabi'at peundjadjah. Meukon meunan, bansa geutanjoë sabé keumah djipeuguda lé gob – djiék ateuëh rhuëng teuh. Lagèë Martin Luther King Jr peurnah geupeu-imgat: "A man can't ride your back unless it's bent", ureuëng han keumah dji-ék ateuëh rhuëng gata keutjuali ka tapeubungkôk droëteuh. Tji geutanjoë tadong tjot, lagèë peutuah éndatu, teuglong lagèë geupula, hana meungkén keumah dji-ék ateuëh rhuëng teuh. Peudjabat2 Atjèh le that njang ka bungkôk djinoë bak seumah2 djawa. Njankeuh sabab peundjadjah RI seunang that, djeuët djimeudôda ateuëh rhuëng ureuëng Atjèh, djeuët djpeugot peuë njang galak djih.
Alhamdulillah, seulama konflik pilkada akhé2 njoë, rakjat Atjèh ka le meutamah tjarong. Hana pajah djak sikula manjang saré untôk geupham politék kuto dan politék teulhôn njan. Meunjo untôk kepenténgan pangkat dan pèng dumpeuë djipeuhaleuë. Njoë kon politikus2 njang duëk di Atjèh mantong njang lagèënjan, tapi njang duëk di Djakarta, njang peugah droë waki ureuëng Atjèh, saban tjit. Njoë hai2 njang bansa Atjèh di nanggroë peureulèë geupham, bèk sabé keunong peungeut. Djinoë siat di Atjèh hana prang, aman. Aman kon meumakna damé. Djadi bèk lé neudeungo haba sibak rukok treuk. Ureuëng meupoliték njan bèk ta mat bak narit geuh, teutapi ta kalon peuë njang kalheuëh djipeudjak njang ka ulikôt. Dan ta kalon tjit peuë narit ngon buët na seusuai!
Uroënjoë, narit "perdamaian" got that laréh di nanggroë. Njang bék ta kalon buët. Ingat! Damè njan hana keukai meunjo keuadélan han keumah peudong; meunjo keuadélan hana teudong, hak peuteuntèë nasib droë han keumah peudjak; meunjo hak peuteuntèë nasib droë han keumah peudjak; peulanggaran2 HAM pih han keumah peuseuleusoë. Njoë bandum meukaét antara saboh deungon njan laén2.
Resolusi PBB 637-A, 18 Desember 1952, teuntang Hak2 Asasi Manusia, lagèënjoë: "The right of peoples and nations for self-determination is a preliminary condition of full realization of human rights" Meukeusudjih: Hak bansa2 untôk peuteunteë nasib droë nakeuh sjarat njang paléng peunténg (sjarat mutlak) untôk peuseulusoë peukara hak2 asasi manusia" Njoë njang butôi: meunjo hak peuteuntèë nasib droë hana djibri keu ureuëng Atjèh, peukara keuadélan dan peukara hak2 asasi manusia hana mungkén keumah peuseulusoë – njan hana peuë lumpoë saré.
Bansa Atjèh njang ulôntuan peumulia
Perdjuangan peutheun dèëlat Atjèh uléh Sultan Mahmud Syah bak geutulak Ultimatum Beulanda thôn 1873, dan peurdjuangan sambông keulai Atjèh Meurdéhka njang geupeunjata uléh Tgk Hasan Muhammad di Tiro thôn 1976, gohlom seuleusoë. Seulama keuadélan hana teudong di bumoë Atjèh dan seulama Indonesia mantong di Atjèh, perdjuangan teutap meusambông. Njoë keuh perdjuangan njang pajah tabôh harga maté; peurdjuangan peutheun agama, nanggroë dan djaga marwah Atjèh – kon UUPA atra djibri siat lé Djakarta, padjan2 mantong akan djitjok pulang. Perdjuangan geutanjoë njoë langsông peurintah nibak Po Teuh Allah:
"Wa qaatiluu fii sabiilillaahil laziina juqaatiluunakum, walaa ta'taduu. Innallaaha laa juhibbul mu'tadiin. Waqtuluuhum haitsu tsaqiftumuuhum, wa akhridjuuhum min haithu akhradjuukum, walfitnatu asjaddu minal qatl". Albaqarah 190.
Peurdjuangan sutji njoë nakeuh peurdjuangan peutheun droë - selfdefence. Dalam Islam geutham geutanjoë djak prang gob dan djak tjok hareuta gob. Teutapi meunjo gob djidjak prang geutanjoë dan djidjak tjuë hareuta dan peureuloh agama geutanjoë, maka geupewadjéb ateuëh geutanjoë peutheun droë dan lawan, lagèë ka meusebôt dalam ajat di ateuëh. "Taprang bak djalan Allah soë-soë njang djak prang gata....Ta usé awaknjan lagèë awaknjan kalheuëh dji-usé gata". Dalam surat al-baqarah ayat laén lom, Allah neupeugah tjit:
"Kutiba 'alaikumul kitaalu wahuwa kurhul lakum, wa 'asaa an takrahuu sjai-an wahuwa khairul lakum, wa 'asaa an tuhibbu sjai-an wahuwa sjarrul lakum. Wallahu ja'lamuu wa antu laa ta'lamuun. Albaqarah 216.
Thôn 2011 tinggai lhèë go djum'at treuk. Tameulakèë ubak Po Teuh thôn 2012 njoë beudjeuët keu thôn Atjèh Meurdéhka, dan bandera pusaka akan dji-ék djeuëb2 sagoë di nanggroë droë teuh. Insja Allah
Wabillahit Taufiq Walhidaajah wassalamu'alaikum wr.wb.
___________________________________________
.JPG)
http://www.theglobejournal.com/kategori/foto/milad-gam-di-swedia.php
http://www.theglobejournal.com/kategori/foto/bendera-gam-di-swedia.php
Generasi Bangsa Aceh di Sweden
.JPG)
http://www.theglobejournal.com/kategori/foto/generasi-bangsa-aceh-di-sweden.php
Amanat Peu-ingat Milad AM njang keu-35 di Örebro, Sweden, 4 des 1976 – 4 des 2011
http://www.youtube.com/watch?v=UcvvnT4qjUQ
http://www.youtube.com/watch?v=UcvvnT4qjUQ
Hadhirin dan bandum djama'ah njang meusapat disinoë uroënjoë njang ulôntuan peumulia: Bansa Atjèh di nanggroë dan pat mantong njang that meuthjén. Njang that tagaséh gaséh aneuk-aneuk geutanjoë bandum, aneuk muda Atjèh njang akan sambông perdjuangan njoë ukeuë.
Assalamu'alaikum warahmatullahi wabarakatuh.
Uroë njoë geutanjoë tamuerumpok disinoë, di Örebro, tadjak peu-ingat uroë lahé Atjèh Meurdéhka njang keu-35. Na mantong njang gohlom muphôm, pakon tiëp2 thôn pajah tapeu-ingat uroë peuët desember njoë? Tapeu-ingat supaja mangat teu-ingat, supaja geutanjoë bèk tuwo teuh keu rakan2 seutia dan peudjuang2 njang ka awai neudjak, sjahid bak neupeutheun bandera njoë. Disampéng nibaknjan, tapeu-ingat droë-keudroë tjit pakon geutanjoë na disinoë uroë njoë. Njang leubèh peunténg lom nakeuh tapeu-ingat geunerasi muda, leubèh2 aneuk2 geutanjoë njang lahé dan rajek diluwa nanggroë, lagèë di Sweden, Norway, Denmark dls. Meunjo geutanjoë njang peugot seudjarah, njang teulibat langsông seudjak awai peurdjuangan hana tapeugot atra njoë, pakriban djeuët ta harap aneuk2 geutanjoë akan djipeu-ingat buët geutanjoë njoë? Njoë saboh peukara njang meusangkôt deungon identitet droë sibagoë saboh bansa, njang handjeuët han tapakoë, meunjo geutanjoë hana takeuneuk kalon aneuk tutjo geutanjoë hudép lagèë geutanjoë uroë njoë – meuseuët-seuët ban saboh njan.
Rakan2 seutia geutanjoë bandum, khusus djih njang na diluwa, njang ka puléh trauma dan ka djiwoë seumangat keulai, kadjeuët mulai tjok langkah phôn deungon tapeu-ék keulai bandera pusaka njan, sibagoë isjarah bahwa peurdjuangan njoë gohlom seuleusoë. Meunjo geutanjoë baroëkon ka salah langkah, sisat, djinoë pajah ta gisa ulikôt lom ta tjok langkah barô. Meunjo ka silap pajah tapeubutôi keulai. Langkah phôn peunténg that! Meunjo ka na ureuëng peuphôn tjit ka ramè ureuëng seutot, Insja Allah. Sidroë ahli falsafah Tjina, Lao Tsu, njang hudép nam abad seugohlom lahé nabi Isa, na geukheun: "The journey of a thousand miles begins with a single step", maknadjih saboh peurdjalanan njang djuôh djih siribèë mil, geumulai deungon saboh langkah.
Perkembangan Diluwa
Seugohlom ta tamong dalam peukara droë-teuh, peukara Atjèh, ulôntuan keuneuk tjukèh batjut perkembangan njang teungoh teudjadi lam dônja ban-ban njoe, mungkén na njang djeuët tatjok keu peuladjaran keu geutanjoë keudroë..
Seulaén krisis ekonomi di Amerika dan padum2 boh nanggroë di Eropa Barat, peuristiwa njang njang paleng rajek njang teungoh teudjadi ban sipanjang thôn njoë, 2011, nakeuh revolusi2 di Timu Teungoh dan Afrika rot Barôh, lagèë di Tunisia, Meuser, Libya, Syria dll. lom njang teungoh dan akan teudjadi ladju. Ahli2 politek dan strategi dalam dônya teukeudjet that, sabab hana djisangka-sangka bahwa bak thon 2011 bansa2 Arab akan geubeudoh geulawan peumeurintah2 diktator njang ka meuplôh-plôh thôn meukuasa disinan.
Peunguasa2 dhalém lagèë Husni Mubarak njang dumnan kong, sidroë peumimpin Arab njang paléng toë deungon Amerika, dan djithèë sibagoë fir'un bak abad keu-21 njoë, keumah geupeutren uléh rakjat deungon hana soë sangka-sangka. Peuë taktik, strategi atawa seundjata njang awaknjan ngui seuhingga revolusi di Tunisia dan Meusér meuhasé? Seundjata djih njankeuh rakjat nanggroë. Rakjat nanggroë2njan ka geutjok saboh sikap geulawan, pantang surôt dan ka geuteurimong peuë mantong resiko. Njankeuh guntji keubeurhasélan awaknjan.
Bansa Arab djinoë teungoh peuglah droë nibak ranté kedhaléman: na njang ka meuhasé dan nat tjit njang gohlom. Disinoë deuh ta kalon bahwa keukuatan rakjat keumah peutalô bandum sindjata moderen, lagèë muto tang atawa kapai teumpôr. Teutapi atra njoë bandum han teudjadi meunjo taduëk-duëk mantong, hana tapeugot sapeuë. Lagèë ka neupeu-ingat uléh Po Teuh: Allah hana neu-ubah nasib saboh2 kawom, meunjo kawôm njan keudroë djih hana dji ubah."Innallaaha laa jughaiijiru maa biqaumin hatta jughajjiru maa bianfusihim." Arra'du 11.Revolusi Arab njoë nakeuh saboh hai njang hana soë duga2, tapi ka teudjadi dalam siklép-siklap.
Dalam politék, hana sapeuë njang hana mungkén! Saboh peutuah ureuëng Indian, bansa aseuli Amerika lagèënjoë: "Djalan, tjara atawa rot-uëh njan hana, tapi watèë ka ramè ureuëng djak keunan, beukaih tapak gaki njan kadjeuët keu djalan atawa rot-uëh. Deungon narit laén, meunjo geutanjoë ka meusaboh, sapeuë kheun dan ka saboh arah, hana sapeuë njang hana mungkén. Tapi saboh2 peurdjuangan han meu-asé bahthat rakjat ka meusaboh, meunjo njang djak dikeuë atawa peumimpin hana butôi. Meunjo njang djak dikeuë gadôh peutimang neuduëk – kon seumiké kiban tjara tapeudjak buët. Peumimpin pajah meusaboh tjit, meuhan rakjat akan djipluëng saboh saho!
Hadhirin njang ulôntua peumulia
Masalah njang teungoh ta hadapi di Atjeh uroë njoë tjukôp komplex – ka meutjat-tjuet ban sabohnjan. Meunjo peunjakét, djeuët takheun ka komplikasi – kon sipeuë lé sakét. Puntja djih bandum, njan keuh peundjadjahan RI ateuëh Atjèh – njankeuh ukheuë nibak bandum peukara njang na di nanggroë. Kareuna ka tréb that djidjadjah lé gob, maka peuë njang na di Atjèh uroënjoë bandum atra gob: peurangui, mentalitet atawa tjara seumiké dan trôk bak Islam ka atra gob, atra dji import dari Batavia. Buktidjih, matjam2 djeunèh Islam djinoë ka lahé di Atjèh.
Beutôi that peuë njang Wali peugah bak saboh uroë, bahwa Atjeh njan kadjipeugot lé Indonesiakeu "dumping ground" - keu teumpat boih brôh. Ubéna brôh rajek bandum djisumpom u Atjèh. Njang got-got bandum djipuwoe u Djawa, lagèë meuh, minjeuk, gaih dls. Djadi peuë njang Teungku Atjèh teungoh geumeurupah-rupah djinoë, njan keuh brôh dari Djakarta. Ka teuntèë dalam kawan brôh njan natjit barang2 njang got, njang djeuët tangui, tapi njan teutap brôih. Falsafah hudép geutanjoë Atjèh djinoë kon lé "Amar Ma'ruf Nahi Munkar", teutapi KKN – Korupsi, Kolusi dan Nepotisme, njang kadjeuët keu darah-gapah peudjabat2 di Atjèh. Mulai tingkat ateuëh sampé tingkat njang paléng mijub, rajek mat rajek 'ab. Korupsi, rôh disinan matjam2 djeunèh tjeumeutjuë dan semeungeut. Kolusi, meumakna piké dan peumakmu keulompok atawa peureuté droë mantong. Nepotisme meumakna pemadju kepenténgan famili dan peukaja keurabeuëk droë. Lheuëh na Hasbi Abdullah keutuha DPRA, beuna Zaini Abdullah lom keu gubernur. Njan njang geukheun nepotisme.
Bak masa konflik dilèë, surat2 haba dônja kajém geutuléh bahwa prang di Atjèh njan nakeuh "dirty war", njakni "prang kuto". Pakon geupeunan prang kuto? Sabab, peukateuën Indonesia di Atjèh bak masa njan biadab that, diluwa nilai2 keumanusiaan. Ureuëng Atjèh ka dji dehumanisasi, hana djianggap lé sibagoë manusia. Djiboh nan GPK, Separatis, subversif dan laén2 lom supaja mangat djeuët djipeuhaleuë darah dan djipeulaku peuë njang galak djih. Peuë njang teudjadi bak masanjan saboh tragedi, njang handjeuët tuwo teuh sagai dan handjeuët tapeumeu'ah.
Bansa2 gob dalam dônja geupeu-ingat uroë seudéh geuh. Djeupang na Hiroshima-Nagasaki 1945; Palestina na Sabra-Shatila 1982; Ureuëng Islam Bosnia na Srebrenica thôn 1995. Vietnamna My Lai di Son My 1968. Dan ban-ban njoë ka tadeungo lom pembantaian di Rawa Gedé Djawa Barat, thôn 1947. Peukara njan ka geupeutupat di nanggroë Beulanda dan meuhasé.
Padjan Teungku2 SH Atjèh geudjak peutupat ngon dônja peukara2 pembataian di Kuta Reh thôn 1904; Pulot Tjot Jeumpa 1955; Beutong Ateuëh; Simpang KKA; Ara Kundoë 1999 dan le laén2 lom? Ho ka peukara njan bandum lheuëh nam thôn geutèkèn MoU di Helsinki? Toh qanun KKR untôk peuseulusoë peukara peulanggaran HAM bak masa konflik, lagèë ka meuseubôt dalm MoU? Hana soë pakoë lé djinoë, sabab awak DPRA teungoh gabuëk that bak piléh brôh!
Lheuëh tèkèn perdjandjian Helsinki thôn 2005, hana lé "dirty war" di Atjèh. Djinoë ka meugantoë deungon "dirty politics" - politék kuto ngon ku-'èh. Ban sipanjang thôn 2011, surat2 haba di Atjeh, tiëp uroë Tuhan punoh deungon beurita "KARU SABÉ". Mulai peukara Qanun Wali Nanggroë, tjalon gubernur dari Parté Atjèh sampé keu peukara PILKADA untôk piléh Gubernur, bupati dan walikota njang mantong meupuwai-puwai sampé 'an uroënjoë. Gadôh meudawa peukara keu saboh pasai dalam UUPA ( pasai 256 UU Nomor 11 Tahun 2006) njang ka djiubah lé Mahkamah Konstitusi, deungon tudjuan supaja kon rot parté mantong djeuët geutjalon droë, teutapi djeuët tjit geu-ék rot keundran independen, meunjo séb sjarat..
Uléh Parté Atjèh (PA) ka geupeugot isu njan keu peukara njang paléng peunténg. Meunurôt PA, njan peukara marwah dan martabat Atjèh; njan peukara identitet Atjèh dan kadjeuët keu harga maté keu awaknjan. Habéh pèng meu miljar2 peugot rapat bak hotel2 mewah, ula-ili djak-woë u Djakarta – kon sidroë-dua - tapi meurombongan-rombongan. Dan keuneulheuëh djak krah ureuëng gampông njang hana teupeuë-sapeuë djak demo.Tok peukara meureubôt pangkat dan kuasa. Hana sapeuë njang meu-untông keu rakjat. Djadi, njan njang kadjeuët keu harga maté awak PA djinoë. Meunjo bit djadèh maté bak tapeutheun pasainjan, keubit djadèh geusumpom dalam apui nuraka bandum. Pakon peukara peulanggaran HAM bak masa konflik dan peukara weuëk hasé alam njang trang2 djipeungeut lé Djakarta hana djidjak protèh? Peuë sabab njan meu-untông keu rakjat mantong, dan hana meu-untông keu awaknjan? Wallahu'alam!
Peureulèë kamoë peutrang tjit bahwa geutanjoë Atjèh Meurdéhka, khusus djih njang diluwa nanggroë, hana kepentingan sapeuë pih, soë njang akan djeuët keu gubernur, bupati atawa walikota ukeuë njoë. Awaknjan bandum sarông djaroë peundjadjah di Atjèh. Teutapi keu bansa kamoë di nanggroë akan na akibat meunjo salah piléh. Njan keuh sabab, sigohlom piléh peumimpin ukeuë, paréksa beugot. Bèk rôh sagai2 meupiléh peureuté labon Teungku Khatib njang teungoh batja khutbah! Atawa neudjak piléh keu wali nanggroë Tjina2 Akek dari Pulo Batam, njang barô padum uroë tinggai di Atjèh ka peugah droë keuturônan wali Songo, dan juë bôh droë keu "radja Atjèh" – Na'uzubillahi min zaalik.
Keudhaléman wadjéb lawan, deungon keukuatan peuë mantong njang na bak geutanjoë. Got pih djipeulaku uléh peundjadjah RI atawa buët ureuëng Atjèh keudroë njang ka ngui tabi'at peundjadjah. Meukon meunan, bansa geutanjoë sabé keumah djipeuguda lé gob – djiék ateuëh rhuëng teuh. Lagèë Martin Luther King Jr peurnah geupeu-imgat: "A man can't ride your back unless it's bent", ureuëng han keumah dji-ék ateuëh rhuëng gata keutjuali ka tapeubungkôk droëteuh. Tji geutanjoë tadong tjot, lagèë peutuah éndatu, teuglong lagèë geupula, hana meungkén keumah dji-ék ateuëh rhuëng teuh. Peudjabat2 Atjèh le that njang ka bungkôk djinoë bak seumah2 djawa. Njankeuh sabab peundjadjah RI seunang that, djeuët djimeudôda ateuëh rhuëng ureuëng Atjèh, djeuët djpeugot peuë njang galak djih.
Alhamdulillah, seulama konflik pilkada akhé2 njoë, rakjat Atjèh ka le meutamah tjarong. Hana pajah djak sikula manjang saré untôk geupham politék kuto dan politék teulhôn njan. Meunjo untôk kepenténgan pangkat dan pèng dumpeuë djipeuhaleuë. Njoë kon politikus2 njang duëk di Atjèh mantong njang lagèënjan, tapi njang duëk di Djakarta, njang peugah droë waki ureuëng Atjèh, saban tjit. Njoë hai2 njang bansa Atjèh di nanggroë peureulèë geupham, bèk sabé keunong peungeut. Djinoë siat di Atjèh hana prang, aman. Aman kon meumakna damé. Djadi bèk lé neudeungo haba sibak rukok treuk. Ureuëng meupoliték njan bèk ta mat bak narit geuh, teutapi ta kalon peuë njang kalheuëh djipeudjak njang ka ulikôt. Dan ta kalon tjit peuë narit ngon buët na seusuai!
Uroënjoë, narit "perdamaian" got that laréh di nanggroë. Njang bék ta kalon buët. Ingat! Damè njan hana keukai meunjo keuadélan han keumah peudong; meunjo keuadélan hana teudong, hak peuteuntèë nasib droë han keumah peudjak; meunjo hak peuteuntèë nasib droë han keumah peudjak; peulanggaran2 HAM pih han keumah peuseuleusoë. Njoë bandum meukaét antara saboh deungon njan laén2.
Resolusi PBB 637-A, 18 Desember 1952, teuntang Hak2 Asasi Manusia, lagèënjoë: "The right of peoples and nations for self-determination is a preliminary condition of full realization of human rights" Meukeusudjih: Hak bansa2 untôk peuteunteë nasib droë nakeuh sjarat njang paléng peunténg (sjarat mutlak) untôk peuseulusoë peukara hak2 asasi manusia" Njoë njang butôi: meunjo hak peuteuntèë nasib droë hana djibri keu ureuëng Atjèh, peukara keuadélan dan peukara hak2 asasi manusia hana mungkén keumah peuseulusoë – njan hana peuë lumpoë saré.
Bansa Atjèh njang ulôntuan peumulia
Perdjuangan peutheun dèëlat Atjèh uléh Sultan Mahmud Syah bak geutulak Ultimatum Beulanda thôn 1873, dan peurdjuangan sambông keulai Atjèh Meurdéhka njang geupeunjata uléh Tgk Hasan Muhammad di Tiro thôn 1976, gohlom seuleusoë. Seulama keuadélan hana teudong di bumoë Atjèh dan seulama Indonesia mantong di Atjèh, perdjuangan teutap meusambông. Njoë keuh perdjuangan njang pajah tabôh harga maté; peurdjuangan peutheun agama, nanggroë dan djaga marwah Atjèh – kon UUPA atra djibri siat lé Djakarta, padjan2 mantong akan djitjok pulang. Perdjuangan geutanjoë njoë langsông peurintah nibak Po Teuh Allah:
"Wa qaatiluu fii sabiilillaahil laziina juqaatiluunakum, walaa ta'taduu. Innallaaha laa juhibbul mu'tadiin. Waqtuluuhum haitsu tsaqiftumuuhum, wa akhridjuuhum min haithu akhradjuukum, walfitnatu asjaddu minal qatl". Albaqarah 190.
Peurdjuangan sutji njoë nakeuh peurdjuangan peutheun droë - selfdefence. Dalam Islam geutham geutanjoë djak prang gob dan djak tjok hareuta gob. Teutapi meunjo gob djidjak prang geutanjoë dan djidjak tjuë hareuta dan peureuloh agama geutanjoë, maka geupewadjéb ateuëh geutanjoë peutheun droë dan lawan, lagèë ka meusebôt dalam ajat di ateuëh. "Taprang bak djalan Allah soë-soë njang djak prang gata....Ta usé awaknjan lagèë awaknjan kalheuëh dji-usé gata". Dalam surat al-baqarah ayat laén lom, Allah neupeugah tjit:
"Kutiba 'alaikumul kitaalu wahuwa kurhul lakum, wa 'asaa an takrahuu sjai-an wahuwa khairul lakum, wa 'asaa an tuhibbu sjai-an wahuwa sjarrul lakum. Wallahu ja'lamuu wa antu laa ta'lamuun. Albaqarah 216.
Thôn 2011 tinggai lhèë go djum'at treuk. Tameulakèë ubak Po Teuh thôn 2012 njoë beudjeuët keu thôn Atjèh Meurdéhka, dan bandera pusaka akan dji-ék djeuëb2 sagoë di nanggroë droë teuh. Insja Allah
Wabillahit Taufiq Walhidaajah wassalamu'alaikum wr.wb.
========================================================
Seunusôn atjara uroë peu-ingat uroë ulang-thôn Atjèh Meurdéhka njang keu-35 thôn di Sweden, 4 Désèmbèr, 2011.
1. Pimpinan rapat uléh Tgk Fazil Amri
2. Batja kitab sutji al-quran uléh Tgk Syahbuddin. A.Rauf
3. Batja surat peunjata Atjèh Meurdéhka uléh Anwar Taleb
4. Pidato ulang-thôn uléh Tgk Yusda ( http://www.youtube.com/watch?v=UcvvnT4qjUQ )
5. Pidato ulang-thôn uléh Dr. Tgk Hj Husaini Hasan
6. Peunutôp dan Do'a uléh Tgk Haji Ismail di Tiro
5. Pidato ulang-thôn uléh Dr. Tgk Hj Husaini Hasan
6. Peunutôp dan Do'a uléh Tgk Haji Ismail di Tiro
Klip video 1, 2, 3, 5 dan 6 menjusul ....
__________________________________
__._,_.___
------------------------------------------------------------------
TIADA KATA SEINDAH `MERDEKA`
------------------------------------------------------------------
Ubahlah nasib bangsa kita, jangan jadikan anak cucu kita sebagai mangsa dari keterlambatan kita bertindak pada hari ini.
Mailing bebas => Meukra-subscribe@yahoogroups.com
-untuk membuat posting kirimkan ke: PPDi@yahoogroup.com
**************************************************************
-Beritahu rakan anda untuk menyertai egroups ini dengan hanya menghantar email kosong ke: PPDi-subscribe@egroups.com
: Meukra-subscribe@yahoogroups.com
**************************************************************
FOR THE LATEST NEWS link to us: http://PPDi.cjb.net/
http://groups.yahoo.com/group/PPDi/messages
ALL ADVERTISERS THAT HAVE NOTHING TO DO WITH condemning indon WILL BE BANNED WITHOUT WARNING!!!
TIADA KATA SEINDAH `MERDEKA`
------------------------------------------------------------------
Ubahlah nasib bangsa kita, jangan jadikan anak cucu kita sebagai mangsa dari keterlambatan kita bertindak pada hari ini.
Mailing bebas => Meukra-subscribe@yahoogroups.com
-untuk membuat posting kirimkan ke: PPDi@yahoogroup.com
**************************************************************
-Beritahu rakan anda untuk menyertai egroups ini dengan hanya menghantar email kosong ke: PPDi-subscribe@egroups.com
: Meukra-subscribe@yahoogroups.com
**************************************************************
FOR THE LATEST NEWS link to us: http://PPDi.cjb.net/
http://groups.yahoo.com/group/PPDi/messages
ALL ADVERTISERS THAT HAVE NOTHING TO DO WITH condemning indon WILL BE BANNED WITHOUT WARNING!!!
MARKETPLACE
.
__,_._,___
Tidak ada komentar:
Posting Komentar